"Урман патруле" мәктәп урманчылыгы отряды "Өмет сукмагы" буенча экскурсия уздырды
"Аксубай урманчылыгы" ДКУ "Урман патруле" мәктәп урманчылыгының 7 сыйныфында укучылар Аксубайның 2 нче урта мәктәбендә мәктәп яны лагерында ял итүче 1-4 сыйныф укучылары өчен "Өмет сукмагы"ннан экологик экскурсия уздырды. "Өмет сукмагы" – ул экологик проект, мәктәп уны урманчылыгында биология укытучысы һәм куратор Надежда Панюкова тарафыннан эшләнгән. Мәктәп кишәрлеге территориясендә "Алмагач бакчасы", "Кырмыска оясы", "Җир җиләге", "Дендрарий", "Дару үләннәре" станцияләре бүленгән, аларны узганда укучы әйләнә-тирә мохит турында теоретик һәм гамәли белемнәр туплый. Урманга сакчыл карарга өйрәнә, биология өлкәсендәге белемнәрен арттыра, җирлектә юнәлеш алу күнекмәсен ала һәм туган төбәгенең табигате үзенчәлекләрен өйрәнә. Азакта балалар викторина уздырды, биредә балалар сорауларга җавап бирде. "Безнең хезмәт кешеләргә шатлык китерә, бу безгә бик сөенечле. Әйләнә-тирә дөньяны саклауга без үз өлешебезне кертәбез. Без экологик проектны тормышка ашыру буенча эшне алга таба да дәвам иттерәчәкбез", – дип билгеләде мәктәп урманчылыгында тәрбияләнүче балалар.