Татарстан Республикасының Урман селекция-орлыкчылык үзәгендә чәчкен чәчүнең өченче ротациясе тәмамланды
"Саба өйрәнү-тәҗрибә урман хуҗалыгы" ДБУ каршындагы Татарстан Республикасы Урман селекция-орлыкчылык үзәге белгечләре өченче ротация орлыкларын чәчте. 0,5 гектарлы мәйданда (ике теплица мәйданы) гади нарат орлыклары чәчелде, ә шундый ук мәйданлы башка теплицаларда иенке каен орлыклары утыртылды. Гомуми алганда биредә дүрт миллионнан артык чәчкен бар. "Бүгенге көндә шытымнар яхшы. Көн саен теплицалар каралып тора һәм су сибелә", – дип хәбәр итте ТР Урман селекция-орлыкчылык үзәге урманчысы Инсаф Сабирҗанов.
Көн саен үсентеләрне тиешле дәрәҗәгә җиткерү буенча 13 кыр тикшерелә, яклаучы урман утыртмалары буларак алга таба утырту өчен утырту материалы сайлап алына, шулай ук чүп үләннәре утала. Әлеге үзәкнең еллык җитештерүчәнлеге ябык тамыр системасы белән 12 миллион данә стандарт утырту материалы тәшкил итә.