"Кастамону Интегрейтед Вуд Индастри" төрек компаниясе вәкилләре белән эшлекле киңәшмә

2018 елның 24 августы, җомга

Бүген Татарстан Республикасы урман хуҗалыгы министры "Алабуга" МИЗ территориясендәге "Кастамону Интегрейтед Вуд Индастри" ҖЧҖ заводында булды. Равил Кузюров төрек компаниясе вәкилләре белән очрашты һәм агач эшкәртү заводына китерелә торган агач материалына бәя билгеләү мәсьәләләре буенча эшлекле киңәшмә уздырды.

Исегезгә төшерик, МДФ плитәләр җитештерүче завод "Алабуга" махсус икътисад зонасы территориясендә 2013 елда гамәлгә кертелде, бу исә файдалануга исәпләнгән диләнкене үзләштерү, урман хуҗалыгында керемне арттыру, агачларны яңарту һәм Татарстан Республикасы урманнарында табигый составны яхшырту өлешендә яхшы ярдәм булды.