Татарстан Республикасы урман хуҗалыгы министры Равил Кузюровның Баулы урманчылыгына эш сәфәре

2018 елның 28 августы, сишәмбе

Татарстан Республикасы урман хуҗалыгы министры Равил Кузюров "Баулы урманчылыгы" ДКУ һәм "Баулы урман хуҗалыгы" ДБУ тикшерде. Объектларны карау эшендә шулай ук Баулы муниципаль районы башлыгы Рамил Гатиятуллин да катнашты.

Равил Кузюров урманчылык конторасын, агач эшкәртү буенча эш цехларын, азкомплектлы бригада тарафыннан урманны тәрбияви кисү кишәрлекләрен карады, 2018 елда уздырылган урман торгызу эшләренең сыйфаты белән танышты. Шулай ук урман питомнигы да каралды.

Равил Кузюров урман питомнигының сыйфатына игътибар итте һәм урман хуҗалыгы хезмәткәрләренә алга таба эшләрендә нәтиҗәлелек һәм уңышлар теләде. Язгы урман культуралары чорында Баулы урманчылыгы урман фондында 35 гектарда гади нарат утыртылган.