Чирмешән балалары урман территориясен чистартты

2018 елның 11 сентябре, сишәмбе

Чирмешән лицеенда белем алучы балалар "Урман атнасы-2018" акциясендә катнашырга булды. Укучылар урманчылар белән берлектә "Чирмешән урманчылыгы" ДКУ Казанка кишәрлеге урманчылыгының 78 һәм 80 кварталларындагы урман кишәрлекләрен чүп-чардан арындырды. Әлеге урын очраклы гына сайланмады. Урман культуралары махсус-яклагыч урманнар һәм чирмешәнлеләрнең яраткан ял урыны булып тора. Акциядә 28 кеше катнашты.