Нурлат урманчылыгында "Урман атнасы-2018" табигать саклау акциясенә актив кушылдылар. Әлеге чара уңаеннан биредә автотрассадагы ял зоналарын яңарттылар, чүп үләннәрен чаптылар. Шулай ук 4 кубометр күләмендә чүп-чар да җыелды, шул ук күләмдә коры-сары җыеп алынды. Әлеге эшкә Нурлат урманчылыгы хезмәткәрләреннән тыш барлык кишәрлек урманчылыклардагы урманчылар да, мәктәп укучылары да кушылды. Кычытканлы һәм Биләркүл мәктәпләрендә яшь табигать сакчылары өчен Урман дәресләре уздырылды.