ТР Урман хуҗалыгы министрлыгында аппарат киңәшмәсе узды
Бүген Министрлыкта аппарат киңәшмәсе узды, аның барышында беркетмә йөкләмәләренең үтәлеше каралды. Киңәшмә ТР урман хуҗалыгы министры Равил Кузюров рәислегендә узды. Чарада министр урынбасарлары, Министрлык бүлекләреннән җитәкчеләр һәм белгечләр катнашты.
Киңәшмәдә катнашучылар министрга урманнарны саклау, яклау һәм торгызу, исәпләнгән диләнкене үзләштерү, урман фондын чистарту, мәктәп урманчылыкларын үстерү, республика предприятиеләренә агач материалы китертү буенча башкарыла торган эшләр турында җиткерделәр.
Асылда, ТР урман хуҗалыгы министры Равил Кузюров "Агач ташучы машина" оператив-профилактика чарасының барышы белән кызыксынды. Министрга җиткерелгәнчә, ел башыннан бирле Татарстанның дәүләт урман инспекторлары тарафыннан ЭЭМ ЮХИДИ хезмәткәрләре белән берлектә 100 артык рейд уздырылган, урман кисү материаллары төялгән 230 машина тикшерелгән. Урман законнарында билгеләнгән тәртиптә теркәлү документлары рәсмиләштерелмәгән агач материалын транспортлаган өчен административ хокук бозу турында бер эш кузгатылган.
Министр шулай ук су саклаучы яклагыч урман утыртмаларын утырту кишәрлекләрен билгеләүгә, урманнарда янгын чыгу куркынычы янаган чор башлануга һәм "Урман утырту көне" республика акциясен уздыруга кагылышлы йөкләмәләрне дә бирде.