Республикада "Татарстанның чиста урманнары" табигатьне саклау акциясе дәвам итә
Республикада "Татарстанның чиста урманнары" табигатьне саклау акциясе дәвам итә. Исегезгә төшерәбез, ул 22 апрельдә башланып киткән иде.
Акция кысаларында муниципаль районнарда урман фонды территориясе каты коммуналь калдыклардан, коры-сарыдан һәм ауган агачлардан чистартыла. Урманнарны чистарту эшендә учреждениеләрнең, предприятиеләрнең, оешмаларның, экология берләшмәләренең белгечләре, югары һәм урта махсус һөнәри уку йортлары студентлары, волонтерлар катнаша. Акция барышында 5 июньгә урман фондыннан 3,5 мең кбм. артык каты көнкүреш калдыгы, коры-сары һәм ауган агачлар чыгарылган.
"Татарстанның чиста урманнары" республика табигатьне саклау акциясе ТР Урман хуҗалыгы министрлыгы тарафыннан 2010 елдан бирле үткәрелә. Аның төп максаты – уңайлы санитар-экологик шартлар булдыру һәм урманга карата сакчыл караш тәрбияләү.