ТР "Бөгелмә урман хуҗалыгы" ДБУ белгечләре теплицаларда утырту материалы үстерә
"Бөгелмә урман хуҗалыгы" ДБУ белгечләре теплицаларда утырту материалы үстерә. "Бездә нибары 4 теплица бар, быел май башында каен орлыклары чәчтек, – дип сөйләде урман хуҗалыгы директоры Сәгыйд Абдуллин. – Хәзер шытымнар чыкты, булачак кәлшәләргә көнгә 2 тапкыр су сибәбез, һава температурасын 25 градус дәрәҗәсендә сакларга тырышабыз һәм чүп үләннәренә каршы көрәшәбез. Күптән түгел үсемлекләргә авырулардан каршы бөркедек, ә июнь ахырына минерал ашламалар кертергә планлаштырабыз".
Сәгыйд Абдуллин сүзләренә караганда, биредә бер сезонга каен кәлшәләре шундый ысул белән үстерелә. "Август ахырында-сентябрь башында аларны урман фонды территориясенә күчереп утырта алачакбыз", – дип билгеләп үтте ул.
Шуны да билгеләп үтәргә кирәк, Арча, Әлки, Исләйтар, Мамадыш һәм Кызыл Йолдыз урман хуҗалыгы хезмәткәрләре дә теплицаларда утырту материалы үстерә.