Гражданнарның үз ихтыяҗлары өчен коры-сары әзерләү шартлары тәгаенләштереләчәк
Федерация Советы Рәисе урынбасары Юрий Воробьев рәислегендә узган Аграр-азык-төлек сәясәте һәм табигатьтән файдалану комитеты киңәшмәсендә төбәкләр тарафыннан гражданнарның үз ихтыяҗлары өчен коры-сары әзерләү һәм җыю өлкәсендә федераль закон нормаларының үтәлешен карады. Киңәшмәдә катнашучылар билгеләп үткәнчә, хокук куллану практикасы законнар белән хәл итүне таләп итә торган кайбер проблемаларны билгеләде, шул исәптән Россия Федерациясе субъектлары дәрәҗәсендә дә.
"Коры-сары җыю темасы, авыл халкының мәнфәгатьләренә кагылып, мөһим социаль әһәмияткә ия. Бу вәзгыятьтә урман законнарын ирексездән бозган гражданнар зыян күрә, чөнки "коры-сары" төшенчәсе чагыштырмача тәгаен атама түгел һәм урманнарны яклау өлкәсендә профильле белемнәргә ия булуны таләп итә", – дип билгеләп үтте Федераль урман хуҗалыгы агентлыгы җитәкчесе вазыйфаларын вакытлыча башкаручы Михаил Клинов.
Фикер алышу нәтиҗәләре буенча Россия Табигать министрлыгы агымдагы елның 1 ноябренә кадәр гамәлдәге документларга нигезләнеп, коры-сарының унификацияләнгән билгеләмәсен эшләргә тәкъдим итте. Моннан тыш, РФ субъектларының дәүләт хакимияте органнары адресына гражданнар тарафыннан үз ихтыяҗлары өчен коры-сары әзерләү һәм җыюның бердәм тәртибен билгеләү буенча да тәкъдимнәр бирелде. Коры-сары төшенчәсенең бердәм билгеләмәсе билгеләгәнчегә кадәр төбәкләргә Россия Табигать министрлыгы боерыгы белән расланган агач ресурсларын әзерләү һәм җыю кагыйдәләрендәге билгеләмәләргә таянырга һәм шуның белән бергә халык белән аңлату эшләрен көчәйтергә тәкъдим ителде.
Белешмә өчен. "Россия Федерациясе Урман кодексының 32 статьясына үзгәреш кертү турында" 2018 елның 18 апрелендәге 77-ФЗ номерлы Федераль закон нигезендә коры-сары агач булмаган урман ресурсларына кертелә, аны җыю һәм әзерләү Россия Федерациясе Урман кодексының 11 статьясындагы 1 өлеше нигезендә гражданнар тарафыннан ирекле һәм түләүсез нигездә башкарыла. Шул ук вакытта "коры-сары" билгеләмәсе Россия Табигать министрлыгының 2018 елның 16 июлендә кабул ителгән "Агач ресурсларын әзерләү һәм җыю кагыйдәләрен раслау турында" 325 номерлы боерыгында бар, әмма бу кагыйдәләр бары тик юридик затларга һәм коммерция структураларына гына кагыла.
Россия Табигать министрлыгы матбугат хезмәте