Республикада "Җиңү урманы" Бөтенроссия акциясе колач җәя
Республикада "Җиңү урманы" Бөтенроссия акциясе колач җәя. Бөек Ватан сугышында Җиңүнең 75 еллыгына багышланган Проект "Яшел Россия" Бөтенроссия экологик иҗтимагый экологик хәрәкәте тарафыннан тормышка ашырыла. Акциянең төп максаты – Бөек Ватан сугышында һәлак булган 27 миллион кешенең һәркайсы хөрмәтенә агач утырту.
Кичә, 14 нче октябрьдә, "Җиңү урманы" Бөтенроссия акциясенә Лениногорск шәһәре полиция хезмәткәрләре, Россия Эчке эшләр министрлыгының Лениногорск районы буенча бүлегенең ветераннар советы рәисе Альберт Осипов һәм эчке эшләр бүлеге ветераннары кушылган. Чарада катнашучылар район полиция бүлеге территориясендә сугышта һәлак булган хезмәткәрләр истәлегенә исемле нарат үсентеләре утырткан.
Шуны да билгеләп үтәргә кирәк, бүгенге көндә проект кысаларында Россия Федерациясе төбәкләрендә инде 20 миллионнан артык агач утыртылган.