Бөгелмә урман хуҗалыгында 2020 елга дәүләт йөкләмәсе кысаларында күркә җыю эше дәвам итә
Табигать кышкы йокыга тала башласа да, "Бөгелмә урман хуҗалыгы" ДБУ хезмәткәрләре күркә җыюга кереште. Яз башланганчы ылыслы токым күркәләрен әзерләргә һәм киптерергә, ә аннары алардан сыйфатлы чәчү материалы алырга кирәк. Нарат күркәләрен ноябрь-март айларында әзерлиләр. Ноябрь аенда җыелган күркәләрне, орлыкларны йомшартып өлгертү өчен, тубырчыкка юка катлам итеп сибәргә һәм аларны 2 ай дәвамында, орлыклар черемәсен һәм бозылмасын өчен вакыт-вакыт болгатып, сакларга кирәк.
Җыю сезоны ахырына кадәр, урман хуҗалыгында 3 тоннадан артык гади нарат орлыгын җыю планлаштырыла. Эшкәртүдән соң уңыш күләме 30 килограммнан да ким булмаска тиеш. Алынган орлыклар киләчәктә "Бөгелмә урман хуҗалыгы" ДКУ питомнигында чәчеләчәк, һәм ике-өч елдан соң алар яңа урман биләмәләрен булдыру өчен файдаланылачак.