Лубян урман-техника көллиятендә Ленинградны фашист блокадасыннан тулысынча азат итү көненә багышланган сыйныф сәгатьләре узды
Лубян урман-техниа көллиятендә Россиянең Хәрби дан көне – Ленинградны фашист блокадасыннан тулысынча азат итү көненә багышланган сыйныф сәгатьләре узды. Уку төркемнәре җитәкчеләре студентларга совет халкының батырлык символына әверелгән Ленинградны геройларча саклау турында искә төшерде.
27нче гыйнварда Россиянең Хәрби дан көне – Ленинградны фашист блокадасыннан тулысынча азат итү көне билгеләп үтелә. Ленинград (хәзер Санкт-Петербург) шәһәрен блокадага алу Бөек Ватан сугышы вакытында алман гаскәрләре тарафыннан 1941 елның 8 сентябреннән 1944 елның 27 гыйнварына кадәр шәһәрне саклаучыларның каршы торучанлыгын бетерү, аларны яулап алу, аннары юк итү максатында үткәрелә. 900 көн диярлек шәһәр белән ике арадагы элемтә Ладога күле һәм һава буенча гына гамәлгә ашырыла. Дошман интенсив рәвештә Ленинградка артиллерия атуларын оештыра һәм һавадан бомбага тота. Азык-төлек җитмәү сәбәпле, шәһәр халкы ач тора.
Ленинград блокадасы вакытында 641 меңнән артык (башка мәгълүматлар буенча, кимендә 1 миллион) кеше һәлак була.
Ниятле рәвештә үзеңне фида кылу аркасында Ленинград халкы да, сугышчыларыбыз да шәһәрне саклап кала. Әлеге Бөек Җиңү нигезендә кешелексез блокада шартларында каршы тора һәм газиз шәһәрне киләчәк буыннар өчен саклап кала алган тыныч халыкның, гади ленинградлыларның батырлыгы ята.