2020 елда Татарстанда "Экология" илкүләм проекты буенча 35 берәмлек урман хуҗалыгы һәм урман янгыннары техникасы сатып алыначак
2020 елда Татарстанда "Экология" илкүләм проектының "Татарстан Республикасында урманнарны саклау" төбәк проекты кысаларында 35 берәмлек урман хуҗалыгы, урман янгыннары техникасы һәм җиһазлар сатып алыначак. Болар – 9 берәмлек АЦ-3,0-40 (ГАЗ-33086) янгын автоцистернасы, 1 кече урман патруле комплексы УАЗ-390945, 2 берәмлек янгынга каршы югары басымлы җайланма, 8 берәмлек урман утырту машинасы, 8 берәмлек культиватор КЛБ-1,7 һәм 7 берәмлек ПКЛ-70 урман сабаны.
Белешмә өчен. "Экология" илкүләм проектының "Урманнарны саклау" федераль проекты кысаларында "Татарстан Республикасында урманнарны саклау" төбәк проекты 2019 елда гамәлгә ашырыла башлады. Аның төп максаты – урманнарның кимүе белән урманнарны яңадан торгызу балансын 2024 елга 100% дәрәҗәсендә тәэмин итү. Әлеге максатка ирешү өчен 2 максатчан индикатор билгеләнгән: "урманнарны торгызу һәм үрчетү мәйданнарының киселгән һәм һәлак булган урман утыртмалары мәйданына нисбәте, %ларда" һәм "урман янгыннарыннан алынган зыян, млн. сум". Узган ел нәтиҗәләре буенча күрсәткечләр 66,3% һәм 0 сум тәшкил итә.
2019 елда "Экология" илкүләм проекты ярдәмендә ТР Урман хуҗалыгы министрлыгы карамагындагы учреждениеләрнең техника паркы 15 берәмлек урман-культура һәм 26 берәмлек урман янгыннары техникасы белән тулыланды. Шулай ук 91 берәмлек янгынга каршы җиһаз сатып алынды.