ТР Урманнарны яклау үзәге хезмәткәрләре феромонлы тозаклар кулланып, сайланма рәвештә зарарлы организмнар популяциясен күзәтә башлаган
«Рослесозащита» ФБУ филиалы – Татарстан Республикасы Урманнарны яклау үзәге хезмәткәрләре, дәүләт йөкләмәсе кысаларында, феромонлы тозаклардан файдаланып, сайланма рәвештә зарарлы организмнар популяциясен күзәтә башлаган.
Феромонлы тозаклар Лубян урманчылыгының урман фонды территориясендә гомуми озынлыгы 7 км булган өч маршрутта урнаштырылган. Маршрутлар алдан сайлап алынган һәм зәгыйфь урман кишәрлекләрендә, кайры ашаучы типограф корткычлары өстен күргән шартларга туры китереп – 50-60 еллык һәм аннан өлкәнрәк, бонитетның I-II классына караган, уртача дәрәҗәдә тонык һәм дымлы чыршы агачлары арасында урнаштырылган.
Урманда феромонлы тозаклар яз көне, җәй башланөрга 1-1, 5 атна кала эленә һәм җәй тәмамланганнан соң бер атна узгач алына. Аларны җирдән 1,3-1,5 метр биеклектәге корыган агач ботакларына урнаштыралар. Феромонлы тозакларга җәлеп итә торган матдә – феромон белән тәэмин ителгән диспенсерлар урнаштырыла. Диспенсерлар феромон компонентларын бүлеп чыгара, алар һава хәрәкәте белән тирә-якка тарала.
Кайры белән тукланучы типограф корткычларын күзәтү нәтиҗәләре урман патологиясе торышын бәяләү, урманнарның популяциясе үсешен һәм зыян күрү куркынычын фаразлау һәм урманны саклау чаралары турында күрсәтмәләр эшләү өчен файдаланылачак.