Тәтеш урман хуҗалыгы хезмәткәрләре базислы урман питомнигында имән чикләвеге чәчкән

2020 елның 15 октябре, пәнҗешәмбе

«Тәтеш урман хуҗалыгы» ДБУ хезмәткәрләре базислы урман питомнигында имән чикләвеге чәчкән. Урман хуҗалыгы директоры Рәис Хәлитов сүзләренә караганда, барлыгы 4 мең кг имән чикләвеге чәчелгән.

«12 октябрьдән 14 октябрьгә кадәр 3 көн эшләдек, 7 кеше җәлеп ителде, – дип хәбәр итте Рәис Хәлитов. – Без имән чикләвеген көзен чәчүне практикалыйбыз. Хәзер климат үзгәрде, кышлар җылы килә. Һава температурасы минус 30 градустан түбән төшми. Шуңа күрә имән чикләвекләре әйбәт кышлый, ә киләсе елның язында шытымнар барлыкка киләчәк. 2 елдан соң без үсентеләрне урман фондына күчереп утырта алачакбыз».