ИФО буенча Урман хуҗалыгы департаментында урман янгыннарын сүндерү эшчәнлеген координацияләү буенча штаб утырышы узды
Бүген Идел буе федераль округы буенча Урман хуҗалыгы департаментында ИФОда урман янгыннарын сүндерү эшчәнлеген координацияләү буенча видеоконференция режимында штаб утырышы булып узды. Утырыш Департамент җитәкчесе Александр Орнатский рәислегендә узды.
Чарада Идел буе федераль округының урман хуҗалыгы белән идарә итү органнары вәкилләре, шул исәптән Татарстан Республикасыннан – ТР урман хуҗалыгы министрының беренче урынбасары Илгизәр Зарипов, Министрлыкның структур бүлекчәләре хезмәткәрләре катнашты.
Киңәшмә барышында урман янгыннарын сүндерүнең җыелма планнарын эшләү һәм раслау һәм 2021 елгы урманнарда янгын куркынычы сезонына әзерлек мәсьәләләре турында фикер алыштылар. Александр Орнатский катнашучыларның игътибарын урманнарны янгынга каршы төзекләндерү буенча чаралар комплексын үз вакытында үтәү һәм урман янгыннарын пропагандалауны оештыруга юнәлтте.
Утырыш ахырында округ субъектларында язгы урман культуралары сезонына әзерлек барышы каралды. Исегезгә төшерәбез, Татарстан Республикасында быел 3,8 мең га мәйданда – урманнарны торгызу, 14,3 мең га – урман культураларын агротехник карау, 4,2 мең га урман культураларын тулыландыру буенча эшләр башкару планлаштырыла. Шулай ук 11,4 тоннадан артык төп урман барлыкка китерүче токым орлыгы әзерләнәчәк һәм 30,9 млн. данәдән артык стандарт утырту материалы үстереләчәк.