Азнакай урман хуҗалыгы хезмәткәрләре яшь үсентеләрне тәрбияләү эшләрен төгәлләгән

2021 елның 13 августы, җомга

«Азнакай урман хуҗалыгы» ДБУ хезмәткәрләре яшь үсентеләрне карау эшләрен төгәлләгән. «Агачларның үсеш шартларын яхшырту өчен яктырту һәм чистарту кебек чаралар үткәрдек, – дип сөйләде урман хуҗалыгы директоры Эдуард Чикуров. – План нигезендә, эшләр 54 гектар мәйданда башкарылды».

13 августка Татарстанда 1 мең гектарда яшь үсентеләр арасында тәрбияви кисүләр уздырылган. Республиканың Буа, Кызыл Йолдыз һәм Саба өйрәнү-сынау урман хуҗалыклары белгечләре эшнең югары темпларын күрсәтә.