2021 ел башыннан бирле Урман янгыннарын сүндерү үзәгенең төбәк диспетчерлык хезмәтенә 970 мөрәҗәгать алынган
Татарстан Республикасында «Урман янгыннарын сүндерү үзәге» ДБУ төбәк диспетчерлык хезмәте эшли. Республикада яшәүче һәркем, 8-800-100-94-00, 8 (843) 221-37-95 телефоннарына, шулай ук «Урманны саклагыз» мобиль кушымтасы аша, урман законнарын бозу яки янгын очрагы турында хәбәр итә ала.
Ел башыннан урман сагының туры линиясе буенча (8-800-100-94-00) Төбәк диспетчерлык хезмәтенә 55 мөрәҗәгать кергән, шул исәптән 7 – янгын очраклары, 27 – консультация хезмәтләре күрсәтү буенча.
Төбәк диспетчерлык хезмәтенең (8 (843) 221-37-95) стационар номеры буенча – 112 мөрәҗәгать, «ГЛОНАСС+112» бердәм дәүләт мәгълүмат системасы буенча 803 хәбәр килгән.
Барлык мөрәҗәгатьләр дә Министрлыкның структур бүлекчәләренә тапшырылды һәм гамәлдәге законнарга туры китереп каралды.