«Яшел патруль» мәктәп урманчылыгында 2021-2022 уку елына эш планы каралган

2021 елның 8 сентябре, чәршәмбе

Ютазы районы «Ютазы урта гомуми белем бирү мәктәбе» муниципаль бюджет гомуми белем бирү учреждениесендә «Яшел патруль» мәктәп урманчылыгы әгъзаларының җыелышы булган. Аның кысаларында эшкә йомгак ясап, 2021-2022 уку елында узачак чаралар планы буенча фикер алышканнар.

Укучылар «Татарстанның чиста урманнары», «Урманны сакларбыз», «Макулатура тапшыр - агачны коткар», «Яшә, чыршы», «Кышын кошларны ашатыгыз» акцияләрендә катнашырлар, Урман хезмәткәрләре, Тыюлыклар һәм милли парклар һ.б. көненә багышланган чаралар үткәрерләр дип көтелә.