Минзәлә урманчылыгының кишәрлек урманчысы Рузил Насыйров «Иң яхшы урман янгынчысы» россиякүләм һөнәри осталык конкурсында катнаша
Кичә, 8 сентябрьдә, Мәскәү өлкәсенең Софрино бистәсендә VII «Иң яхшы урман янгынчысы – 2021» россиякүләм һөнәри осталык конкурсы башланып китте. Аны Федераль урман хуҗалыгы агентлыгы һәм «Авиалесохрана» ФБУ оештыра.
Россия Федерациясе табигать ресурслары һәм экология министры Александр Козлов һәм Рослесхоз җитәкчесе Иван Советников ярышларда катнашучыларны сәламләде һәм аларга уңышлар теләде.
Ярышларда Белгород, Брянск, Воронеж, Липецк, Тверь, Архангельск, Төмән өлкәләреннән, Красноярск краеннан һәм илнең башка төбәкләреннән 19 кеше катнаша. Татарстан Республикасыннан «Минзәлә урманчылыгы» ДКУ Калинин кишәрлегендәге участок урманчысы Рузил Насыйров катнашачак.
8 сентябрьдә конкурсантлар урманнарны янгыннардан саклауны законнар нигезендә һәм норматив тәэмин итү, янгын сүндерү тактикасы, урман янгыннары җиһазлары өлкәсендә белемнәргә тест узган һәм урман янгыннары буенча каршылыклар полосасын узган. Бүген катнашучылар үзләренең физик әзерлекләрен, бензин пычкысы, мотопомпа һәм ранецлы урман ут сүндергечләре белән эшләү күнекмәләрен күрсәтәчәк.