ИФО буенча Урман хуҗалыгы департаментында дәүләт урман реестры һәм Күчемсез мөлкәтнең бердәм дәүләт реестры белешмәләрендәге каршылыкларны бетерү мәсьәләләре турында фикер алыштылар
Бүген ИФО буенча Урман хуҗалыгы департаментында видеоконференция режимында дәүләт урман реестры һәм Күчемсез мөлкәтнең бердәм дәүләт реестры белешмәләрендәге каршылыкларны бетерү мәсьәләләре турында фикер алыштылар. Аны Департамент җитәкчесе урынбасары Антон Трифонов үткәрде.
Чарада Идел буе федераль округының урман хуҗалыгына идарә итү органнары вәкилләре, шул исәптән Татарстан Республикасыннан – ТР урман хуҗалыгы министрының беренче урынбасары Илгизәр Зарипов, Министрлыкның дәүләт урман реестры, урманнардан файдалану һәм урман корылышы бүлеге җитәкчесе Рамил Гыйльманшин катнашты.
Киңәшмә барышында «Дәүләт реестрлары белешмәләрендәге каршылыкларны бетерү һәм җир кишәрлегенең билгеле бер категориягә керүен билгеләү максатларында Россия Федерациясенең аерым закон актларына үзгәрешләр кертү турында» 29.07.2017 ел, № 280-ФЗ федераль законны гамәлгә ашыру мәсьәләләре каралды.
Татарстан Республикасы Урман хуҗалыгы министрлыгы, Мари Республикасының Табигать ресурслары, экология һәм әйләнә-тирә мохитне саклау министрлыгы, Пермь крае Табигать ресурслары, урман хуҗалыгы һәм экология министрлыгы вәкилләре һәм башкалар кыскача нотыклар белән чыгыш ясады.
Министрның беренче урынбасары Илгизәр Зарипов чыгышында Җир һәм күчемсез милек турында бердәм мәгълүмат ресурсын булдыру буенча эксперимент кысаларында үткәрелә торган эшләр турында сөйләде.