Зеленодольск сынау урман хуҗалыгы белгече Илсөя Вәлиева Зеленодольск районы гомуми белем бирү учреждениеләрендә презентацияләр үткәргән

2021 елның 8 декабре, чәршәмбе

Зеленодольск сынау урман хуҗалыгы белгече Илсөя Вәлиева Зеленодольск муниципаль районының В.В.Карпов исемендәге лицейның «Зеленый островок»  һәм 4 нче гомуми белем бирү мәктәбенең «Лесовичок» мәктәп урманчылыкларында тәрбияләнүче балалар өчен «Волонтерлар - Россиянең киләчәге» дигән презентация уздырган. 

Очрашу барышында ул гамәлгә ашырыла торган проектларда ирекле (волонтерлык) эшчәнлекнең төп юнәлешләре, «Урман волонтерлары» платформасы, ТР Урман хуҗалыгы министрлыгы тарафыннан «Хәтер бакчасы», «Урманны саклыйк» һәм «Татарстанның чиста урманнары» табигатьне саклау акцияләре турында сөйләгән.

Дәресләр азагында глобаль экологик проблемаларның сәбәпләре һәм нәтиҗәләре һәм аларны хәл итү юллары турында фикер алышканнар.