Татарстанда «Чыршы» («Ель») операциясе кысаларында урман законнарын бозуның 7 очрагы ачыкланган

2022 елның 11 гыйнвары, сишәмбе

ТР Урман хуҗалыгы министрлыгында «Чыршы» («Ель») ведомствоара оператив-профилактик чарасына йомгак ясалды. Исегезгә төшерәбез, ул 2021 елның 20-31 декабрендә узган иде.

«Чыршы» («Ель»)  операциясе кысаларында 28 стационар пост һәм 133 мобиль патруль төркеме булдырылган, 227 кеше – 166 дәүләт урман инспекторы һәм ТР буенча Эчке эшләр министрлыгы территориаль бүлекләренең 61 хезмәткәре эшләгән.

Патрульлек барышында урман законнарын бозуның 7 очрагы ачыкланган. Барлык очраклар буенча да гаепле затларга карата административ хокук бозулар турында эшләр кузгатылган. Урман фондына китерелгән гомуми зыян 16,3 мең сум тәшкил итә.