Чирмешән лицееның «Лесовичок» мәктәп урманчылыгында тәрбияләнүчеләр «Кошлар ашханәсе» чарасында катнашканнар

2022 елның 25 гыйнвары, сишәмбе

Чирмешән муниципаль районының «Лесовичок» мәктәп урманчылыгында тәрбияләнүче балалар «Кошлар ашханәсе» чарасында катнашканнар. Чара кысаларында балалар кошлар өчен яңа җимлекләр ясаган һәм мәктәп территориясендә элеп чыкканнар.

«Кыш – кошлар өчен авыр вакыт. Каурыйлы дусларга бу чорны үткәреп җибәрергә ярдәм итү өчен, аларны даими ашатып торырга кирәк, – ди берләшмәдә катнашучы Алисә Сәлахова. – Һәркем кул астындагы материаллардан җимлек ясап, аңа ашлык яки икмәк валчыклары салып, кошларны саклап калуга үз өлешен кертә ала».