Лубян урман-техника көллияте командасы хоккей буенча иптәшләр матчында катнашкан

2022 елның 11 феврале, җомга

Киров өлкәсе Нократ Аланы районы Урта Шуны авылында урнашкан боз мәйданчыгында Лубян урман-техника көллияте һәм Урта Шуны авылы командалары арасында хоккей буенча иптәшләрчә очрашу узган. Матч нәтиҗәләре буенча, җиңүне Урта Шуны авылы командасы 7:11 исәбе белән яулаган.

«Мондый иптәшләрчә очрашулар инде күркәм традициягә әверелде. «Кайчагында син җиңәсең, кайвакыт тәҗрибә аласың», – дип билгеләп үтте Лубян урман-техника көллияте директорының тәрбия эшләре буенча урынбасары Наталья Сираҗетдинова. – Мондый спорт чараларын даими уздырабыз. Спорт сәламәтлекне ныгытып кына калмый, ә безнең студентларның холкын да чыныктыра».