Әлмәт урман хуҗалыгында гадәти нарат күркәләре җыела

2022 елның 24 феврале, пәнҗешәмбе

«Әлмәт урман хуҗалыгы» ДБУ оешмасында 2022 елга дәүләт йөкләмәсе кысаларында гадәти нарат күркәләрен җыю эшләре бара. «Хәзерге вакытта Акташ кишәрлегенең 63, 82 кварталларында, Кама-Исмәгыйль кишәрлегенең 42, 43 кварталларында һәм Әлмәт урманчылыгының Миңлебай кишәрлегендә 51, 185 кварталларында эшләр бара, – дип сөйләде урман хуҗалыгы директоры Виталий Утнюхин. –  Барлыгы 14 кеше хезмәт куя».

«Бүгенге көндә 2 тоннадан артык күркә җыелды. Бер үк вакытта күркәләрне киптерү һәм эшкәртү эше дә алып барыла, – дип өстәде Виталий Утнюхин. – Быел барлыгы 10 килограмм ылыслы токым орлыгы әзерләргә кирәк. План билгеләнгән вакытка үтәләчәк».