Шәһәр яны урманчылыгының урман остасы Фәрит Әхмәтгәрәев Биектау районы Мүлмә урта мәктәбендә «Урман – Россиянең казанышы» темасына дәрес үткәргән

2022 елның 28 феврале, дүшәмбе

«Шәһәр яны урманчылыгы» ДКУ Иске Казан кишәрлегенең урман остасы Фәрит Әхмәтгәрәев Биектау районы Мүлмә урта мәктәбенең 8-10 сыйныф укучылары өчен «Урман – Россиянең казанышы» темасына дәрес үткәргән. Дәрестә ул балаларга урманнар, аларның бәяләп бетергесез вазыйфалары, ТР Урман хуҗалыгы министрлыгы һәм аның карамагындагы оешмалар эшчәнлеге турында сөйләгән.

«Урман тармагы белгечләренең төп бурычы – бүгенге һәм киләчәк буыннар хакына урман байлыкларын саклау һәм арттыру. Бу бик мөһим һәм җаваплы миссия, – дип билгеләп үткән Фәрит Әхмәтгәрәев. – Хәзерге вакытта урман сагында 2,5 меңгә якын кеше тора».

Дәрес ахырында урман остасы укучыларга урманнарда янгын һәм санитар куркынычсызлык кагыйдәләре турында искәртеп узган.