Россия Президенты Владимир Путин урман комплексының тотрыклылыгын тәэмин итүче законга кул куйды
Россия Федерациясе Президенты Владимир Путин кайбер закон актларына, шул исәптән Урман кодексына төзәтмәләр кертә торган законга кул куйды. Документ системалы куркынычларны киметергә мөмкинлек бирәчәк һәм Россия икътисадының кайбер стратегик тармакларын тышкы санкцион басым шартларында җайлаштыруга өстәмә вакыт бирәчәк.
Аерым алганда, Урман кодексына төзәтмәләр 2 елга – 2023 елның 1 гыйнварыннан 2025 елның 1 гыйнварына Урман комплексының федераль дәүләт мәгълүмат системасын (ФГИС ЛК) эксплуатациягә кертү чорын кичектерүне күздә тота.
Урман комплексының федераль дәүләт мәгълүмат системасын гамәлгә кертү чорларын үзгәртү аның белән эшләүгә тагын да саллырак күчеш булуын тәэмин итәргә тиеш. Бу вакыт сынау төбәкләрендә системаны сынап карау, алга таба төзәткәләү һәм кулайлаштыру өчен кулланучылардан кайтаваз җыю өчен кулланылачак.
Шулай ук закон, урман әзерләү һәм урман янгыннары җиһазларын чынбарлык вакыт режимында контрольдә тоту чаралары белән махсус программа тәэминатыннан файдаланып, урман хуҗалыгы чараларының нәтиҗәләрен мәҗбүри фотога теркәүне 2025 елның 1 гыйнварына кадәр кичектерүне күздә тота.