«Сказка» балалар бакчасында «Макулатура бир – агачны коткар» дигән экологик акция узган

2022 елның 11 мае, чәршәмбе

Тәтеш шәһәренең «Сказка» балалар бакчасында «Макулатура бир – агачны коткар» дигән экологик акция узган. Балалар бакчасында тәрбияләнүчеләр, аларның әти-әниләре һәм укытучылар көче белән барлыгы 1026 кг макулатура җыелган.

«Без мондый акцияләрне даими уздырабыз, узган ел 949 кг макулатура җыйдык, – дип сөйләде учреждение җитәкчесе Галина Ибәтуллина. – Мондый проектларны тормышка ашыру – мәктәпкәчә яшьтәге балаларның экологик культурасын формалаштыруда мөһим аспект. Тәҗрибәдә күрсәтелә торган табигать саклау эшчәнлеге аша балалар табигатькә һәм урман ресурсларына сакчыл мөнәсәбәтнең, шулай ук кәгазьдән рациональ файдалануның мөһимлеген аңлый».