Арча муниципаль районы Лесхоз урта мәктәбендә «Батарейкалар, бирешегез!» экологик акциясе узган

2022 елның 25 мае, чәршәмбе

Арча муниципаль районы Лесхоз урта мәктәбендә «Батарейкалар, бирешегез!» экологик акциясе узган. Аны «Табигать варислары» мәктәп урманчылыгында тәрбияләнүчеләр оештырган.

Акциядә 1-11 сыйныф укучылары катнашкан, барлыгы 37,5 кг батарейка җыелган.

«Без мондый акцияләрне ел саен уздырабыз, чөнки алар яшь буынга экологик тәрбия бирүнең нәтиҗәле формаларыннан берсе булып тора, – дип сөйләде мәктәп директорының тәрбия эшләре буенча урынбасары, «Табигать варислары» берләшмәсе җитәкчесе Фирая Гайнанова. – Бер үк вакытта батарейкаларны дөрес утильләштерүнең мөһимлеге, әйләнә-тирә мохитне саклау һәм табигатькә сакчыл караш турында агарту эшчәнлеге дә алып барыла».