Татарстанда урман орлыкчылык объектларын карау эшләре алып барыла
Татарстан Республикасында 2022 елга дәүләт йөкләмәсе кысаларында урман орлыкчылык объектларын карау буенча эшләр алып барыла. «Даими урман орлыклары һәм плантацияләр артыннан карау үләнне, агачларда корыган ботакларны, рәт араларында агач үсемлекләрен бетерүне, янгынга каршы минераллаштырылган полосалар сузуны һәм аларны яңартып торуны үз эченә ала, – дип сөйләде ТР Урман хуҗалыгы министрлыгының урманнарны яңадан торгызу һәм үрчетү бүлеге җитәкчесе Тимур Галиев. – Эшләр җәй-көз айларында башкарылачак».
Исегезгә төшерәбез, Татарстан Республикасында булган даими урман орлыкларының гомуми мәйданы – 1251 га, урман орлыгы плантацияләре 91 га тәшкил итә. Әлеге мәйданнарның төп өлешен сабаклы имән алып тора – 89%, гади нарат – 7%, Европа чыршысы – 3% һәм Себер карагае – 1%.