ТР Урманнарны яклау үзәге белгечләре «ЯН» спорт-савыктыру комплексы территориясендә урман утыртмаларын урман патологиясе буенча тикшерү эшләрен үткәрделәр

2022 елның 25 июле, дүшәмбе

«Рослесозащита» ФБУ филиалы Татарстан Республикасы Урманнарны яклау үзәге инженер-урман патологлары Әлмәт муниципаль районындагы «ЯН» спорт-савыктыру комплексы территориясендә урман утыртмаларына урман патологиясе буенча тикшерүләр үткәрде. «Тикшерүнең төп бурычы – кеше тормышына, сәламәтлегенә һәм мөлкәтенә куркыныч тудыручы авария хәлендәге агачларны вакытында ачыклау, – дип сөйләде филиал директоры урынбасары Венера Ефременкова. – Бу – егылу ихтималы шактый зур булган: картайган, корыган, ярылган, авышкан, тамыр системасына зыян килгән агачлар».

Эш нәтиҗәләре буенча 260 авария хәлендәге агач ачыкланган. Якын арада «Әлмәт урман хуҗалыгы» ДБУ белгечләре аларны җыештыру буенча чаралар үткәрәчәк.