Баулы урман хуҗалыгы белгечләре урман питомнигындагы чәчүлекләрне карау буенча эшләр башкара

2022 елның 23 августы, сишәмбе

«Баулы урман хуҗалыгы» ДБУ хезмәткәрләре урман питомнигындагы чәчүлекләрне карау буенча эшләр башкара. «Чаралар комплексына туфрак йомшарту, чүп үләннәренә каршы көрәш, минераллы ашламалар кертү, авырулардан һәм корткычлардан сиптерү керә, – ди урман хуҗалыгы директоры Вероника Башкирова. – Температура югары булу сәбәпле, без орлыкларга су сибүне көчәйттек: су күләме һәм эшкә җәлеп ителгән хезмәткәрләр саны арттырылды».

«Без чәчүлекләрне карауга аерым игътибар бирәбез. Чөнки күбесенчә урман торгызу эшләренең нәтиҗәлелеге стандарт утырту материалының сыйфатына бәйле, – дип өстәде Вероника Башкирова. – Быел барлыгы 745 мең данәдән дә ким булмаган күләмдә орлык үстерү планлаштырыла».