Татарстанда урман культураларын инвентаризацияләү бара
Бу көннәрдә ТР Урман хуҗалыгы министрлыгы һәм аның карамагындагы оешмалар – урманчылыклар белгечләре Татарстанның урман фонды территориясендә урманнарны торгызу буенча башкарылган чараларга инвентаризация үткәрәләр.
«Инвентаризациянең максаты – урман культураларының мәйданнары һәм торышы турында мәгълүмат алу, урманнарны торгызу эшләренең нәтиҗәлелеген билгеләү, урман культураларының торышын яхшырту буенча чараларны билгеләү, аларны урман белән капланган җирләргә күчерү һәм яшь үсентеләрне кыйммәтле агач үсентеләре категориясенә кертү», – дип сөйләде Министрлыкның урманнарны торгызу һәм үстерү бүлеге башлыгы Тимур Галиев.
«Шулай ук инвентаризация нәтиҗәләре буенча 2023 елгы урман культуралары кампаниясенә күпме стандарт утырту материалы булуы да билгеле булачак, – дип өстәде Тимур Галиев.– Инвентаризацияне 15 ноябрьгә тәмамлау планлаштырылган».