Красноярскта «Россия урманнары» форумы башланды
Бүген Красноярск шәһәрендә «Россия урманнары» форумы башланды. Форум эшендә төбәкләрдәге урман ведомстволары, иҗтимагый һәм волонтерлык оешмалары, урман сәнәгате комплексы һәм фәнни җәмәгатьчелек вәкилләре, профильле университетлар студентлары һәм ректорлары, шул исәптән Татарстан Республикасыннан – ТР урман хуҗалыгы министры Равил Кузюров катнаша. Чараның игътибар үзәгендә – урман тармагына ярдәм итү һәм аны үстерү.
Форумның пленар утырышында Красноярск крае губернаторы Александр Усс, РФ табигый байлыклар һәм экология министры урынбасары Сергей Аноприенко, РФ сәнәгать һәм сәүдә министры урынбасары Олег Бочаров һәм башкалар чыгыш ясады.
«Россия урманнарын саклау дәүләтнең өстенлекле бурычы булды һәм шулай булып калачак та. Урман хуҗалыгы һәм урман сәнәгате симбиозы ЛПК үстерү стратегиясендә, 2030 елга кадәр озайтылачак «Экология» илкүләм проектында каралган KPI ирешергә мөмкинлек бирәчәк. Без урман янгыннары һәм урман хуҗалыгы техникасы белән 100% дәрәҗәсендә җиһазландыруга ирешергә тиеш, бу 2030 елга, Президент Указы нигезендә, илнең һәр субъектында урман янгыннары мәйданының 50% киметергә мөмкинлек бирәчәк», – дип билгеләп үтте Сергей Аноприенко.
Федераль урман хуҗалыгы агентлыгы җитәкчесе Иван Советников чыгышында Красноярск краеның агач әзерләү, утын чыгару һәм пелетлар җитештерү өлкәсендә лидерларның берсе булуын билгеләп үтте.
«Моннан тыш, төбәк урманнарны торгызу өлкәсендә дә лидерларның берсе. Край урманнарны сакчыл һәм рациональ файдалану буенча тулы бер комплексны тормышка ашыра», – дип ассызыклады Рослесхоз башлыгы Иван Советников.
Пленар утырыш кысаларында Россия Табигать министрлыгы, Рослесхоз һәм Красноярск крае губернаторы урман хуҗалыгы хезмәткәрләренә ведомство бүләкләрен тапшырылды.
Форумның эш программасы урман тармагына ярдәм итүгә һәм үстерүгә, «Урманнарны саклау» федераль проектын һәм «Экология» илкүләм проектын тормышка ашыруга, урман тармагын цифрлаштыруга, урманнарның климатка йогынтысына, ирекле урман сертификациясенә һәм «яшел» туризмны үстерүгә багышланган түгәрәк өстәлләр сериясен үткәрүне күздә тота. Шулай ук «Урман комплексында яшьләр күзлегеннән карьера» темасына панель дискуссия һәм биржа сатуларында агач сату буенча семинар да узачак.
Моннан тыш, форум кысаларында урман кисүчеләр арасында «Урман кисүче-2022» Россия чемпионаты уза. Моннан тыш, тамашачылар игътибарына «Эксподрев-2022» махсуслаштырылган урман техникасы күргәзмәсе тәкъдим ителде.