Әлмәт урман хуҗалыгы 348 кг орлык әзерләгән

2022 елның 20 октябре, пәнҗешәмбе

«Әлмәт урман хуҗалыгы» ДБУ урман барлыкка китерүче токымнарның орлыкларын әзерләү дәвам итә. «Хәзерге вакытта корычагач орлыгын җыю эшләре тулы куәтенә бара, эшләргә Әлмәт урманчылыгы белгечләре дә җәлеп ителде, – дип сөйләде урман хуҗалыгы директоры Виталий Утнюхин. – Бүгенге көндә гомуми көч белән 275 килограмм корычагач орлыгы әзерләнде».

Аның сүзләренә караганда, шулай ук 2022 ел башыннан 30 килограмм каен орлыгы, 3 килограмм нарат орлыгы һәм 40 килограмм аморф орлыгы җыелган.

«Дәүләт йөкләмәсе буенча барлыгы 325 килограмм орлык әзерләргә кирәк. Планны үтәүгә карамастан, орлык материалын җыю эше дәвам итәчәк», – дип өстәде ул.