Рослесхоз: 2023 елның 1 мартыннан яңа урман корылышы аңлатмасы эшли башлаячак
Тиешле боерык* Россия Юстиция министрлыгы тарафыннан теркәлгән.
Урман корылышы аңлатмасы урманнарның торышын бәяләү, аларның сан һәм сыйфат характеристикаларын билгеләү өчен кулланыла торган мөһим документ.
«Яңа урман корылышы аңлатмасы – Россия урманнарын исәптә тотуның яңа мөмкинлекләре. Беренче тапкыр фәнни эшләнмәләр нигезендә документта урманнарны үзләштерү зоналарын билгеләү критерийлары билгеләнгән. Барыннан да элек, бу – тоту өчен исәпләнгән диләнкене үзләштерү, аренда мәйданы, юлларның тыгызлыгы һәм мондый объектларны өстенлекле тәртиптә планлаштырырга мөмкинлек бирә торган башка күрсәткечләр», – дип ассызыклаган Федераль урман хуҗалыгы агентлыгы башлыгы урынбасары Анастасия Винокурова.
Урман тармагы «цифр»га күчү белән урман корылышы документлары бары тик электрон формада гына төзеләчәк, дип тә өстәгән ул. Барлык алынган мәгълүматлар ФГИС ЛК системасында булачак.
Урманнарның экологик функцияләрен саклауның мөһимлеген исәпкә алып, урман корылышы аңлатмасында урманнарны саклауга кертү критерийлары аныкланган, махсус сакланыла торган кишәрлекләрне бүлеп чыгару билгеләре һәм аларны проектлау нормативлары билгеләнгән. Тагын бер яңалык – җирле үзидарә органнары тәкъдимнәре нигезендә торак пунктлар тирәсендә махсус сакланыла торган урман кишәрлекләрен булдыру һәм аларның чикләрен үзгәртү. Гражданнарның инициатив төркемнәре дә карар кабул итүдә катнаша алачак. Яңа аңлатма 2023 елның 1 мартыннан үз көченә керүгә карамастан, Рослесхозга хәзердән үк шундый мәсьәләләр буенча халык җыелышлары нәтиҗәләре килә һәм Күчемсез мөлкәтнең бердәм дәүләт реестрыннан алынган мәгълүматлар ярдәмендә махсус шартлы зоналар чикләре турында белешмәләр кулланылачак.
Моннан тыш, урманнарны таксацияләү өчен яңа мөмкинлекләр карала – аэро- һәм космик төшерү, ясалма нейрон челтәрләр һәм башка автоматлаштырылган ысуллар ярдәмендә урман утыртмаларын комплекслы тану процессы.
Белешмә өчен:
*Россия Федерациясе Табигать ресурслары һәм экология министрлыгының «Урман корылышы аңлатмасын раслау турында» 2022 елның 5 августындагы 510 номерлы боерыгы.
Федераль урман хуҗалыгы агентлыгы матбугат хезмәте