ТР Урман хуҗалыгы министрлыгы: 2022 елда Татарстанда 5789 га мәйданда урманнарны яңадан торгызу һәм үрчетү эшләре башкарылды
ТР Урман хуҗалыгы министрлыгында 2022 елда урманнарны яңадан торгызу буенча башкарылган эшләргә йомгак ясалды. «Татарстан Республикасында барлыгы 5789 гектар мәйданда урманнарны торгызу һәм үрчетү эшләре башкарылды, – дип сөйләде урманнарны торгызу һәм үрчетү бүлеге җитәкчесе Тимур Галиев. – Шулардан 3619 гектарда башкарылган эшләр «Экология» илкүләм проектының «Урманнарны саклау» федераль проекты кысаларында «Татарстан Республикасында урманнарны саклау» төбәк проектына туры килә.
Аның сүзләренә караганда, быел Министрлык карамагындагы учреждениеләр – урман хуҗалыклары белгечләре тарафыннан авыл хуҗалыгы билгеләнешендәге җирләрдә – 1570 га мәйданда һәм Азнакай муниципаль районы территориясендә 600 га саклагыч урман үсентеләре утыртылган. «Азнакай районы чикләрендә мондый утыртмалар «Татнефть» ГАҖ инициативасы белән парник газлары чыгаруны компенсацияләү кысаларында оештырылды», – дип өстәде Тимур Галиев.