Казанда «Цифрлы таксация – урман корылышының киләчәге» дигән конференция ачылды
Бүген «Корстон-Казан» кунакханә-сәүдә-күңел ачу комплексында «Цифрлы таксация – урман корылышының киләчәге» дигән конференциянең рәсми ачылышы булды. Конференциядә катнашучыларны ТР урман хуҗалыгы министрының беренче урынбасары Илгизәр Зарипов, ТР яшьләр эшләре министры урынбасары Алла Кондратьева, «Рослесинфорг» ФДБУ Оештыру үсеше идарәсе башлыгы Эгле Куткайте, «Рослесинфорг» ФДБУ Казан филиалы директоры Айрат Йосыпов һәм башкалар сәламләде.
Үз чыгышында Илгизәр Зарипов урман комплексы белән идарә итүнең нәтиҗәлелеген күтәрү, урманнардан интенсив, өзлексез һәм ярсыз файдалануны оештыру өчен урман корылышында актуаль материаллар булуның мөһимлеге турында ассызыклады.
«Татарстан урман корылышының актуаль материаллары кулланыла торган төбәкләр арасында, бу материалларга 10 елдан азрак, – диде ул. – Алар нигезендә Татарстан Республикасы урман фондының геомәгълүмат системасы эшләнде. Республика Президенты ярдәме белән, быел урман фонды җирләре турында Цифрлы мәгълүматлар базасын эшләү, дәүләт урман реестры белән Күчемсез мөлкәтнең бердәм дәүләт реестры мәгълүматларын туры китерү проекты гамәлгә ашырыла».
Шулай ук министрның беренче урынбасары урман хуҗалыгында эшләүче яшь белгечләргә ярдәм итү чаралары турында фикер алышу кирәклеген дә билгеләп үтте.
«Конференциядә катнашучыларның барысына да уңышлы һәм нәтиҗәле эш телим. «Ышанам ки, форум конструктив диалог, яңа идеяләр эшләү һәм куелган бурычларны стандарт булмаган юл белән хәл итү өчен нәтиҗәле мәйданчык булачак», – диде Илгизәр Зарипов.
Татарстан Республикасы яшьләр эшләре министры урынбасары Алла Кондратьева билгеләп үткәнчә, Татарстан – ил төбәкләре арасында яшьләр сәясәтен цифрлаштыру һәм гамәлгә ашыру буенча лидерларның берсе. «Иннополис университеты, IT-парк һәм хәтта балалар ИТ-паркы уңышлы эшли, төрле грантлар бар, – диде ул. – Әгәр сездә яңа идеяләр барлыкка килсә, без аларны карарга һәм аларны хупларга әзер. Барыгызга да уңышлы эш телим».
«Цифрлы таксация – урман корылышының киләчәге» конференциясен «Рослесинфорг» ФДБУның яшьләр советы оештырды. Форум 80нән артык кешене – «Рослесинфорг» ФДБУ яшьләр советының төбәк бүлекчәләре вәкилләрен җыйды.
Конференция программасында урман төзелеше системасын үзгәртү һәм алга таба цифрлаштыру проектының «юл картасын» эшләп, стратегик сессия үткәрү, шулай ук «Планлаштыру, контроль һәм кире элемтә» һәм «Лидер һәм команда» тренингларын уздыру планлаштырылган.