Казанда «Цифрлы таксация – урман корылышының киләчәге» россиякүләм конференциясендә урманнарны исәпкә алуның инновацияле технологияләре турында фикер алыштылар
Бүген «Корстон-Казан» кунакханә-сәүдә-күңел ачу комплексында «Цифрлы таксация – урман корылышының киләчәге» россиякүләм конференциясе кысаларында түгәрәк өстәл утырышы булып узды. Аның эшендә «Рослесинфорг» ФДБУ директоры Павел Чащин, аның урынбасары Людмила Коновалова, ТР урман хуҗалыгы министры Равил Кузюров, «Рослесинфорг» ФДБУ Казан филиалы директоры Айрат Йосыпов һәм башкалар катнашты.
Павел Чащин үзенең сәламләү сүзендә «Рослесинфорг» ФДБУ Яшьләр советының төбәк бүлекчәләре вәкилләренә нәтиҗәле эшләре өчен рәхмәт белдерде. «Сезнең эшчәнлек – күп кырлы, урман корылышы буенча төп бурычлардан тыш, бу хәйриячелек тә, әйләнә-тирә мохит турында кайгырту да, халыкны экологик агарту да, – диде ул. – Мин сезгә тырыш хезмәтегез өчен чын күңелдән рәхмәтлемен».
«Бүгенге очрашуга килгәндә, кирәгеннән артыгын уздырып җибәрегез. Чөнки еш кына нәкъ менә берәү дә ышанмаган абсурд идеяләрдә хакыйкать, киләчәк яшеренгән була. Барыгызга да уңышлар телим», – дип нәтиҗә ясады Павел Чащин.
Равил Кузюров урманнарны саклау, яклау һәм яңадан торгызу чараларын билгеләү буенча карарлар кабул иткәндә урман таксациясенең төп өлеше булуын ассызыклады. «Урманнарны сыйфатлы исәпкә алмаганда, урманнар белән нәтиҗәле идарә итүе мөмкин түгел, – диде ул. – Соңгы елларда урманнарны таксацияләү процессына яңа технологияләр, шул исәптән ясалма интеллект кертелә. Болар барысы да урман төзелешен камилләштерүгә, вакытлыча һәм хезмәт чыгымнарын оптимальләштерүгә юнәлдерелгән».
«Казанның шундый зур тармак чарасын уздыру мәйданчыгы итеп сайлануына бик шатмын, – дип өстәде министр. – Барыгызга да ныклы сәламәтлек, бәхет, иминлек һәм проектларның уңышлы яклануын телим».
Алга таба цифрлы таксация буенча эшләнгән проектларны тәкъдир итү булды. «Рослесинфорг» ФДБУ Яшьләр советының төбәк бүлекчәләре вәкилләре урман корылышы нәтиҗәлелеген арттыру, урман төзелеше һәм урманнарны исәпкә алу эшләрен башкаруга финанс, хезмәт һәм вакытлыча чыгымнарны киметү, ТЭП структурасында урман комплексының өлешен арттыру буенча үз идеяләрен тәкъдим иттеләр. Барлыгы 8 проект тәкъдим ителде.
Исегезгә төшерәбез, «Цифрлы таксация – урман корылышының киләчәге» конференциясе агымдагы елның 29 ноябреннән 3 декабренә кадәр барды. Конференцияне «Рослесинфорг» ФДБУ Яшьләр советы оештырды. Форум илнең 32 төбәгеннән 100 кешене җыйды.