Лубян урман техник көллияте студентлары өченче хезмәт семестрын ачу тантанасында катнаштылар
Бу атнада Казанда Татарстан Республикасы студентлар отрядларының өченче хезмәт семестры ачылды. Студент яшьләренең якынча 1000 актив вәкиле хезмәт җәенә юллама алды.
Чарада «Лубян урман-техник көллияте» ДБҺБУ штабы вәкилләре – 41нче у/х төркеме студенты Рөстәм Ибраһимов һәм 21 нче у/х төркеме студенты Ләйсән Җамалетдинова катнашты.
Чара кысаларында җирле штаблар һәм мәгариф оешмалары штаблары җитәкчеләреннән җәйге сезонга әзерлек турында рапортлар тапшырылды, хәрәкәт ветераннарының, хөрмәтле кунакларның үгет-нәсихәт сүзләре яңгырады һәм студент отрядларына хезмәт объектларында эшләү өчен юлламалар тапшырылды.
Студентлар отрядларының флаглары республиканың горурлыгын һәм намусын символлаштыра. Ләкин боларның барысы да студентлар хезмәт отрядлары ветераннары булмаса мөмкин булмас иде. Сез аларның эшчәнлеген дәвам иттерәсез. Һөнәр үзләштерүегез һәм хезмәткә сакчыл карашыгыз өчен рәхмәт белдерәбез», – дип билгеләп үтте Татарстан Республикасы Премьер-министры урынбасары Ләйлә Фазлыева.
Сәламләү сүзе белән шулай ук Татарстан Республикасы буенча баш федераль инспектор Виктор Демидов чыгыш ясады. Ул студентларга яхшы, уңышлы эш сезоны теләде.
Шунысын да билгеләп үтәргә кирәк, 2023 ел Татарстан Республикасы студентлар отрядлары хәрәкәте өчен юбилей елы булып тора. Быел ноябрьдә 60 нчы хезмәт семестрына йомгак ясалачак һәм хәрәкәт вәкилләре Татарстан Республикасы студентлар отрядларының 60 еллык юбилеен билгеләп үтәчәк.
Исегезгә төшерәбез, ел саен студентлар отрядлары составында сезонлы эш белән Татарстанның 10 меңнән артык студенты тәэмин ителә.