Татарстан урманнарында авиапатруль уздырыла
Татарстан Республикасында урманнарда авиация патруле дәвам итә. Исегезгә төшерәбез, мондый эш «Экология» илкүләм проектының «Урманнарны саклау» федераль проектының «Татарстан Республикасында урманнарны саклау» төбәк проекты кысаларында башкарыла.
«Авиация мониторингы – янгыннарны ачыклауда нәтиҗәле ысулларның берсе, – ди ТР урман хуҗалыгы министрының беренче урынбасары Илгизәр Зарипов. – Барлыгы 4 маршрут расланган, аларның гомуми озынлыгы – 2290 километр».
Аның сүзләренчә, янгын куркынычы сезоны башланганнан бирле урманнарда 187 очыш сәгате дәвамлылыгында 30 авиапатруль үткәрелгән.
«Гомумән алганда, быел 334 очыш сәгате каралган, бу узган ел белән чагыштырганда 20%ка күбрәк. Авиамониторинг 1,2 миллион гектар мәйданны били, бу республиканың бөтен урман фонды диярлек», – дип өстәде Илгизәр Зарипов.
Исегезгә төшерәбез, «Татарстан Республикасында урманнарны саклау» төбәк проекты 2019 елдан гамәлгә ашырыла. Проектта «Урманнарны торгызу һәм үрчетү мәйданнарының киселгән һәм һәлак булган урман утыртмалары мәйданына нисбәте, %» һәм «Урман янгыннарыннан алынган зыян, млн.сум» дигән ике максатчан индикатор билгеләнгән.