Югары уку йортлары студентлары арасында экология буенча фәнни-гамәли эшләр конкурсына гаризалар кабул итү дәвам итә
Татарстан Республикасы югары уку йортлары студентлары арасында экология буенча фәнни-гамәли эшләр конкурсында катнашуга гаризалар кабул итү дәвам итә. Аны ТР Экология һәм табигать ресурслары министрлыгы оештыра.
Конкурс өч номинация буенча үткәрелә:
- табигый ресурсларны рациональ куллану (тискәре йогынтыны булдырмауга, табигый комплексларны һәм компонентларны торгызуга, сәнәгать һәм көнкүреш агынтыларын чистартуга юнәлдерелгән проектлар һ.б.);
- табигатьне саклау технологияләрен эшләү (фәнни-тикшеренү проектлары);
- экология һәм табигатьтән файдалану өлкәсендә цифрлы чишелешләр һәм импортны алмаштыру.
Заявкаларны һәм эшләрне 24 октябрьгә кадәр Eco.pros@tatar.ru электрон адресына җибәрергә була.
Тулырак мәгълүмат:https://eco.tatarstan.ru/2023-7081829.htm.