Чирмешән урманчылыгы хезмәткәрләре «Лесовичок» мәктәп урманчылыгында тәрбияләнүчеләр белән берлектә «Ак хәтер бакчасы» акциясендә катнаштылар

2023 елның 16 октябре, дүшәмбе

Чирмешән муниципаль районының Яңа Элмәле авылында «Ак хәтер бакчасы» акциясе узды. Үткәрү урыны – Чуашстанның халык шагыйре Порфирий Афанасьевның йорт-музее территориясе. Билгеләп үтәргә кирәк, мондый чараларны оештыру «Экология» илкүләм проектын тормышка ашыруга ярдәм итә.

Акциядә Чирмешән муниципаль районы башлыгы Әйбәтов Рамил, Чирмешән урманчылыгы хезмәткәрләре, «Беренчеләр хәрәкәте» иҗтимагый-дәүләт балалар һәм яшьләр хәрәкәтендә катнашучылар, шулай ук «Лесовичок» мәктәп урманчылыгында тәрбияләнүчеләр катнашты.

Акциянең максаты – Порфирий Афанасьев исемендәге йорт-музей территориясендә Иске алма бакчасын торгызу. Акциядә катнашучылар көче белән барлыгы 99 алмагач үсентесе утыртылды.