Рослесхоз: урман комплексының ФДМС системасында Россия урманчылыклары турында мәгълүмат 71% урнаштырылган
Рослесхозның мәгълүмат системаларын үстерү идарәсе һәм дәүләт урман реестры башлыгы вазыйфаларын башкаручы Петр Микка сөйләгәнчә, системага беренче чиратта күчерелә торган мәгълүмат исемлеге субъектның нинди функционал белән эшләячәгенә бәйле. Моннан тыш, мәгълүмат кертелгәннән соң төбәкләрдәге урман ведомстволарына аналитик эш алып барырга һәм УК ФДМС системасына кертелгән мәгълүматны тикшерергә кирәк.
«Урман ресурсларының сыйфат һәм сан характеристикалары турындагы мәгълүматларны системага кертү эше дәвам итә. Ул эш төбәкләрдәге урман ведомстволары белән берлектә алып барыла. Безнең бурыч – хакимият вәкилләренең дә, урманнардан файдаланучыларның да системада эшләве уңайлы һәм структуралы булсын өчен, ел ахырына кадәр дәүләт урман реестрыннан 63 субъект буенча булган барлык мәгълүматны УК ФДМС системасына күчерү», – дип ассызыклады Петр Микка.
Өстәвенә, кишәрлек урманчылыклары турында мәгълүмат – 69%, урман кварталлары турында мәгълүмат 30% дәрәҗәсендә кертелгән.
Исегезгә төшерәбез, Рослесхоз урман комплексының ФДМС белән эшләү буенча мәгълүмат материалларын әзерләде. Урманның цифрлы дубликаты (ФГИС ЛК) буенча материаллар белән ведомствоның рәсми сайтында мәгълүмат системалары бүлегендә танышырга мөмкин. Бүлек даими рәвештә кулланучыларга системаны аңларга ярдәм итәчәк актуаль документлар һәм материаллар белән яңартыла.
Моннан тыш, Рослесхоз Бөтенроссия урман хуҗалыгы җитәкче хезмәткәрләренең һәм белгечләренең квалификациясен күтәрү институты белән берлектә, УК ФДМС белән эшләү буенча Рослесхоз территориаль органнары һәм төбәкләрнең урман ведомстволары вәкилләрен укыта.
Федераль урман хуҗалыгы агентлыгы матбугат хезмәте