Сарман муниципаль районында «Хәтер бакчасы» акциясе кысаларында агачлар утыртылган
Сарман муниципаль районының Ләшү-Тамак төп гомуми белем бирү мәктәбенең мәктәп яны укыту-тәҗрибә кишәрлегендә «Хәтер бакчасы» акциясе кысаларында агачлар утыртылган.
Акциядә Сарман муниципаль районы башлыгы Фәрит Хөснуллин, Сарман кишәрлеге урманчылыгы хезмәткәрләре, «Чатыр-Тау» дәүләт табигать тыюлыгы вәкилләре һәм «Яшел калкан» мәктәп урманчылыгы тәрбияләнүчеләре катнашкан.
Акциядә катнашучылар көче белән барлыгы 25 алмагач үсентесе утыртылган.
Белешмә өчен. «Хәтер бакчасы» халыкара акциясен оештыручылар – РФ Табигать ресурслары һәм экология министрлыгы һәм Федераль урман хуҗалыгы агентлыгы ярдәме белән «Җиңү волонтерлары» Бөтенроссия иҗтимагый хәрәкәте һәм Җиңү полководецларын искә алу фонды.
Акциянең максаты – Бөек Ватан сугышы елларында һәлак булган 27 кеше истәлегенә 27 млн. агач утырту.