ТР Әгерҗе муниципаль районында урманнарның санитар торышын яхшырту буенча эшләр алып барыла
ТР Әгерҗе муниципаль районында урманнарның санитар торышын яхшырту буенча эшләр алып барыла. «Шушы көннәрдә Әгерҗе урманчылыгының Шаршады кишәрлегенең 17 нче кварталында санитар-савыктыру чаралары тәмамланды, – дип сөйләде җитәкче-урманчы Владимир Ишморатов. – Эшләр 2,5 гектар мәйданда башкарылды, 10 кеше җәлеп ителде».
«План буенча, быел 27,5 гектар мәйданда санитар-савыктыру чаралары планлаштырылган», – дип өстәде ул.
Исегезгә төшерәбез, санитар-савыктыру чаралары урманнарның санитар һәм урман-патологик торышын яхшырту, зарарлы организмнарның таралу куркынычын киметү, урман корткычлары һәм авыруларына каршы көрәшү, урман утыртмаларының үз максатчан функцияләрен тәэмин итү, шулай ук тискәре факторлар тәэсиреннән зыянны киметү максатларында үткәрелә.