Нурлат урман хуҗалыгы белгечләре урман культураларын агротехник карау буенча эшләр алып бара

2024 елның 16 июле, сишәмбе

«Нурлат урман хуҗалыгы» ДБУ хезмәткәрләре урман культураларын агротехник карау буенча эшләр башкара. «Мондый чараларны үтәү – урман культураларын булдыру һәм үстерү процессында мөһим этап, – ди урман хуҗалыгы директоры Спартак Еливанов. – Шулай итеп, без үсемлекләрне тамырдан тукландыру шартларын яхшырта алабыз, аларның үсеп китүен, сакланышын һәм урман культураларының тиз үсешен тәэмин итә алабыз. Бүгенге көндә мондый эшләр 308 гектар мәйданда башкарылган, план буенча барлыгы – 560 гектар».

Тулаем алганда, Татарстан Республикасы буенча агымдагы елның 16 июленә урман культураларын агротехник карау буенча эшләр 3,4 мең га мәйданда башкарылган.