Шәһәр яны урманчылыгы территориясендә санкцияләнмәгән чүплекләр бетерелгән
«Шәһәр яны урманчылыгы» ДКУ һәм «Шәһәр яны өйрәнү-сынау урман хуҗалыгы» ДБУ хезмәткәрләре Шәһәр яны урманчылыгының Матюшино кишәрлегендәге 20, 38, 70 һәм 71 кварталлар территориясендә санкцияләнмәгән чүплеккә тап булганнар һәм әлеге урынны тәртипкә китергәннәр. Алар көче белән барлыгы 4 куб.м каты көнкүреш калдыгы чыгарылган.
«Шундый ук эш башка кишәрлек урманчылыкларында – Биектау, Столбище һәм Иске Казан хуҗалыкларында да үткәрелә, – дип сөйләде җитәкче-урманчы Илнур Кәшафиев. – Ел башыннан барлыгы 98 куб.метр каты көнкүреш калдыгы җыеп чыгарылды. Барлык гражданнарны да җаваплы булырга һәм табигатьтә чүп-чар ташламаска, шулай ук рөхсәтсез чүплекләр табылу очраклары турында хәбәр итәргә чакырабыз. Урманнарыбызны бергәләп чистарта һәм киләчәк буыннар өчен саклап кала алабыз».